台南大热！三更半夜排队抢购 寿奶茶
讲起台湾奶茶，好多人都会谂起上星期正式杀入香港的「纯萃。喝」，不过台湾的好味奶茶又点只一间咁少！近排台南市出现神秘人龙，一班奶茶迷半夜三点开始排队等自动售卖机，等呀等……可惜 寿奶茶 分分钟天未光就卖哂，排队都未必有得饮架！想知呢只寿奶茶点解可以夺得台南人的欢心？睇埋先评论啦。
净係泡茶都4个钟，诚意十足！ 
煮完茶仲要醒茶，令茶的味道更浓香。 
细心到个樽都要Made in Taiwan，抵台湾人咁爱呢樽100%台式奶茶。 
唯一唔係MIT应该就只有呢部日本入口的改装售卖机。 
数量有限，每日都成功吸引一班「奶迷」排队抢奶茶。好在台湾人够自律，每人买两支就收手，如果唔係应该秒速清货喎！ 
睇下猫咪都望到眼定定，就知奶茶有几吸引啦！ 
老闆曾经试行宅配，不过因为人手问题难以应付大量订单，建议大家都係乖乖地去排队啦。 
奶茶每日只会供应一款味道，星期一、三五为寿奶，星期二、四、六为麦奶。 
抹茶奶茶大受好评，但老闆就话限定产品只可以不定时释出贩售，有钱都未必饮到！
1. 认真沖泡茶底
奶茶最紧要係咩？当然就係奶同茶啦！ 寿奶茶 的茶底与坊间奶茶店唔同，净係煮茶已经3-4小时，再加上事前準备及醒茶，售卖前的摇奶程序，每樽奶茶都要花上半日先完成，味道自然更特别。不过老闆温馨提示，寿奶茶使用比较浓郁的奶精取代牛奶，建议大家饮用时适可而止，好贴心！
2. 100% Made in Taiwan (MIT)
老闆坚持 寿奶茶 要100% Made in Taiwan，所以唔单只奶茶原材料全部由本地生产，就连装奶茶的樽及印字都搵台湾厂製造，每一啖都係纯台湾滋味，难怪当地人个个大讚！
3. 全人手限量制作
奶茶产量不多，皆因老闆每日只能沖泡300樽奶茶，在人力有限的情况下当然会限制奶茶产量。但正正因为每一个工序都亲自主理，先显出奶茶与坊间产品不同，排队等下都值得！
4. 口味够吸引
现时奶茶只有两款主要口味，包括以红茶作底的白盖寿奶，入口味道较浓郁，以及用红茶、香片作底的黑盖麦奶，全程麦子熬煮，不含咖啡因。另外老闆亦有研发抹茶奶茶，但发售日期不定，想试限量口味全靠运气。
寿奶茶购买位置（只限台南市发售）
1.贩卖机
地址：台南市万昌街155号（显示地图)
2.餵公子吃饼
地址：国华街二段159号（显示地图)
3.荷糖动物食料
地址：东区裕丰街35号（显示地图)
4.东城麵家
地址：民权路二段78号（显示地图)
图片及